البرناوي نت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البرناوي نت

هوايات والعاب وصور
 
البوابةالرئيسيةأحدث الصورالتسجيلدخول

 

 قصة حب بدايتها قصيده

اذهب الى الأسفل 
كاتب الموضوعرسالة
رامي الرامي




عدد الرسائل : 18
تاريخ التسجيل : 24/07/2009

قصة حب بدايتها قصيده Empty
مُساهمةموضوع: قصة حب بدايتها قصيده   قصة حب بدايتها قصيده Emptyالخميس أغسطس 06, 2009 7:20 pm

محمد صحى من النوم شرب قهوته كالعادهـ افطر تصفح الجريدهـ على النت..


بعدها مشى للعمل... جلس بمكتبه كان بجنبه زميله فهد ومقابله عبدالله

كانوا يسولفون عن الحب كان عبدالله ضد مبدا الحب وفهد مع الحب

قطع عليهم محمد وقال الحب عالم ثاني عالم فيه الوصال اشبه بالمستحيل


فيه المواصل قليل فيه الوفا بين خل وخليل


لكن تصدقون مابعد جربته بس اشوفه في الافلام العربيه واعيشه معهم

كني انا العاشق

قال فهد والله يامحمد انت صادق المواصل في مجتمعنا اللي هنا ممنوع

عبدالله ماأعجبه رد فهد وقال لا في مجتمعنا الوصل ممسموح للي

يطق الباب مو للي ينط السور ومن شيمنا عيب نجي البيت من ورا


دخل عليهم المدير الكل في لحظة صمت طلب المدير


من محمد اوراق ومستندات قال محمد دقائق واجيبها لك


المهم مر الوقت وطلع محمد من العمل ولا زال في فكره يدور

فكرة الحب.

وصل البيت ونام ... صحى الحبيب على الساعه 6:30

هو معروف إنه شاعر وذكي جداً<<< اكيد ذكي لانه رجل


بعد ماصحى طلع من البيت وراح للبحر


وقف سيارته على جنب

ونزل وجلس على الشاطئ وهو جالس تذكر كلام اصحابه عن الحب

وقعد يفكر في الحب انا قلتلكم الرجال شاعر مر عليه بيت على الطاير..




ياللي على درب المحبين ماشي نبي نصيحه في طريق المحبين 0



المهم وهو قاعد مرة جنبه بنت وجلست قريبه منه..

طالع فيها قالت له ليه جالس لحالك...ضحك هو وقال احب الوحدهـ احياناً

قالت الوحدهـ هم شكلك مهموم قال لا انا شاعر واحب الجو المناسب لي

اذا بغيت اكتب قصائد وهذا افضل مكان يناسبني

قالت حلو انت شاعر انا متذوقه للشعر واحياناً اكتب شعر

وش رائك تسمعني قصيدهـ على ذوقك


قال طالما انتي شاعرهـ لابد انتقي لك افضل شئ عندي



ياضيق صدري كل ماحان الرحيل اقفيت امشي ارتجي كلمة تعال

ابلتفت يمكن الاقيلي سبيل لكن اخاف يدور في فكره سؤال

وش رجعه مادام عزم مايميل؟ لكن انا عزمت في شد الرحال 0


بس يكفيك ذا الثلاث الابيات ولا ازيدك


قالت لا ابي زيادهـ لكن ممكن سؤال


انت تحب شكلك واضح من القصيده


قال لا والله بس هذي مجرد قصيدهـ


لسه مابعد جربت الحب... قالت ليه؟ وش المانع


قال مابعد شفت الشخص اللي يناسبني...

قالت طيب ممكن تسمع هالقصيدهـ طبعاً هي مو لي لشاعر معرووف



اعلان للي مابعد جرب الحب يسلك طريق الحب بس بشجاعه

فيه الوفا والغدر والصدق والكذب وفيه الفراق وفيه شوق اجتماعه

حظك على حظك تشجّع وجرب ان صبت والا غير تاخذ مناعه 0



قال الله الله وش ذا الرائعه وقال ممكن ارد على الابيات.. قالت تفضل



إعلان للي ماعرف قيمة الحب يترك طريق الحب مادام ضاعه

الحب خلى صاحبه يترك الشرب والهم من فرقا الخليل إستطاعه

اببتدي في الحب مدام به طب وقلبي معك يازين اخذه وداعه 0



قالت الله الله وش ذا الابداع


انت تقولي مابعد حبيت طيب وش رائك تجرب من ذا اللحظه



عاد هو مسوي إنه غبي ولا فهم قال كيف يعني من ذا اللحظه

قالت يعني مادام إني اشوفك الرجل اللي يناسبني اتمنى ان تشوفني مثل مااشوفك


قال هو الله بالنسبه لي انتي اول وحدهـ اجلس معاها ويمكن اكون ارتحتلك

واعجبني تعاملك واسلوبك ممكن اتعرف عليك اكثر كم عمرك وإسمك


قالت عمري 25 سنه طالبه جامعيه واسمي حلا


قال عاشت الاسامي ياحلى حلا


هي ردت وقالت الله يحلي ايامك بس ياليت اعرف اسمك وعمرك

قال انا محمد موظف حكومي وعمري 27 سنه


قالت العمر كله يامحمد

قالت محمد خذ ذي مني انا هديه لك يامحمد



ياللي خذيت القلب عني لاتميل انت الوحيد اللي لقيت إبه المحال

انت الوحيد اللي ملكني والدليل قلبي خذيته يامحمد في سؤال 0



قال هو هديه جميله وردها أجمل..





ماني بمايل ولا كني اخيل في سماي مزون واقعه خيال

والغدير إن جف مافاد الصميل لكن الموضوع واضح لايزال

حبنا يابنت لايمكن يميل وإن لحقه الميل طشيت العقال 0




قالت الله الله صح لسانك إنت مبدع


وأخذتهم السوالف الى اخر الليل المهم قامت حلا

وقالت اتمنى تكون المحبه عامره ولا يمكن قطعها

قال محمد ..



مستحيل ان اقطع الحب


محبتي لك تجربه اولى ناجحه بكل المقاييس ياليت نحافظ عليها


قالت حلا مستحيل لكن انا مخطوبه من ولد عمي وياليت تسامحني على

الكلام اللي خذيته مني انا كنت ابحث عن الرومنسيه والحب لاني فاقدتها


وقف محمد وصرخ قال مستحيل وين كلامك اللي قبل شوي وين الحب وين الصدق


يعني صدق شاعرك اللي قبل شوي .. فيه الوفا والغدر والصدق و(الكذب)

ليه كذبتي علي

قالت والله يامحمد إني صادقه معك حبيتك من إسلوبك والله إني حبيتك من جد

لكن وش اسوي راح اسوي المستحيل عشان نجتمع مرهـ ثانيه بدون حواجز




راحت حلا تمشي من عنده وهي تلتفت وهو واقف


قال محمد




اقفا يناظر ينتظرني اناديه وانا التفت يمه احسبه ينادي

هو نظرته فيني وانا نظرتي فيه كلن يبي الثاني ولا الله رادي 0






وراح محمد وهو يقول حسبي على الحب وبلاويه

من اول مرهـ مصايب


شكل عبدالله صادق إن الحب مجرد كلمه صعب تحقيقها في مجتمعنا

نسمعها كثير


بس صعب نطبقها






يستفاد من القصه صعب الحب في مجتمعنا الحالي

والكذب عامر في الحب في مجتمعنا




ملحوووظه.... كل الابيات اللي كتبت في القصه وليدة اللحظه يعني لكاتب القصه اللي هو انا

ماعدا أبيات الشاعر محمد بن فطيس..

إعلان للي مابعد جرب الحب...
الرجوع الى أعلى الصفحة اذهب الى الأسفل
 
قصة حب بدايتها قصيده
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البرناوي نت :: المنتديات الادبيه :: منتدى كان يا مكان (القصص)-
انتقل الى: